संक्रमण नियन्त्रण यायेत देउवाया इनाप

येँ (नेपालभाषा टाइम्स) – नेपाली कांग्रेसया सभापति शेरबहादुर देउवां म्हिगः प्रधानमन्त्री केपी ओलीयात नापलासें लकडाउन चायेधुंकाः कोरोना भाइरस संक्रमणया खतरा झन अप्वःगुलिं संक्रमण नियन्त्रण यायेत न्हूगु व विशेष रणनीति दयेकेत सरकारयात इनाप यानादीगु दु। थ्व झ्वलय् वय्कलं कोरोना परीक्षण पिसिआर प्रविधिं जक यायेत, कवारेन्टाइनया मापदण्ड बांलाकेत नं सरकारया ध्यानकर्षण यानादीगु खँ कांग्रेसया पार्टी कार्यालयं जारी याःगु विज्ञप्तिइ धयातःगु दु। अथेहे वय्कलं विदेशय् समस्याय् लानाच्वंपिं नेपाःमितय्त नं याकनं उद्धार यायेत प्रधानमन्त्रीया ध्यानकर्षण यानादीगु दु ।