येँ मनपाया सफू थौं विमोचन जुइगु

येँ -येँ महानगरपालिकां थुगु दँनिसें ब्वंकेत्यंगु स्थानीय विषय अन्तर्गत नेपालभाषाया पाठ्यसफू ‘येँ देय् म्हसीके’ थौं विमोचन याइगु जूगु दु ।
शिक्षा मन्त्री कृष्णगोपाल श्रेष्ठं थौं राष्ट्रिय सभागृहय् जुइगु छगू ज्याझ्वलय् उगु सफू विमोचन यानादीगु ज्याझ्वः दु।

येँ महानगरपालिकां स्थानीय पाठ्यक्रम कथं छगू तगिंनिसें च्यागू तगिं तक ‘येँ देय् म्हसीके’ नांगु सफू ब्वंकेगु तयारी यानाच्वंगु दु । उकी मध्ये १ निसें ४ तगिं तकया सफू तयार जुइधुंकूगु दुसा थौं थ्वहे १ निसें ४ तगिं तकया सफू विमोचन यायेत्यंगु खः ।

थ्व पाठ्यपुस्तक ब्वंकेगु लागिं येँ मनपां सामुदायिक स्कुलय् छ्वयेत १७२ म्ह शिक्षण सहायक (शिक्षक) त नं भर्ना यायेत्यंगु । उकिया लागिं ५१६ म्हेस्यां दरखास्त तःगु खःसा थौंकन्हय् शिक्षक ल्ययेगु लागिं अन्तर्वार्ता कायेगु ज्या जुयाच्वंगु दु । म्हीग येँ मनपाया मेयर विद्यासुन्दर शाक्य थः हे शिक्षा विभाग झायाः छनौट ज्याया निरीक्षण यानादीगु खः । अन्तर्वार्ता कायेगु ज्या कन्हय् क्वचायेत्यंगु दु ।

सम्बन्धित बुखँ

LEAVE YOUR COMMENTS