नेपालभाषा प्रशिक्षक तालिम

येँ- येँ महानगरपालिकां थः मातहत लाःगु स्कुलय् नेपालभाषा ब्वंकेगु लागिं शिक्षकतय्त तालिम बीपिं प्रशिक्षकतय्त म्हिगःनिसें तालिम बीगु शुरु यात । येँ मनपा शिक्षा विभागया ग्वसाः व नेवाः स्यनामि दबूया संयोजनकय् जूगु उगु तालिमया उलेज्या येँ मनपाया प्रमुख विद्यासुन्दर शाक्यं यानादीगु खः ।

शिक्षा विभागया प्रमुख रामबाबु सुवेदीया सभापतित्वय् जूगु उगु ज्याझ्वलय् २२ वडाया अध्यक्ष चिनिकाजी महर्जन नापं स्यनामि दबूया वरुणप्रसाद वैद्य, कृष्णभक्त मानन्धरपिंसं नं नुगःखँ तयादीगु खः ।

स्वन्हु तक न्ह्याइगु थ्व तालिमय् सहभागी प्रशिक्षकतय्सं हे नेपालभाषा ब्वंकीपिं शिक्षकतय्त तालिम बीगु याइ । नेपालभाषा ब्वंकेगु लागिं मनपां १७२ म्ह शिक्षक भर्ना यायेत्यंगु दु । उकिया लागिं न्यासः स्वयां अप्वः दरखास्त लाःगु दुसा बुधवाःनिसें शिक्षक छनौटया ज्या जुइ ।

सम्बन्धित बुखँ

LEAVE YOUR COMMENTS