अमेरिकाय् नेपालभाषा बारे अन्तक्र्रिया

येँ – नेवाः अर्गनाइजेशन अफ अमेरिका सियाटल च्याप्टरया ग्वसालय् अप्रिल २८ शनिवाः नेपालभाषाया च्वमि व प्राध्यापक मय्जु प्रेमहिरा तुलाधरलिसे अन्तक्र्रिया ज्याझ्वः यात । च्याप्टरया नायः भाजु सुरोज डंगोलं लसकुस यानाः न्ह्याकूगु ज्याझ्वलय् मय्जु तुलाधरं नेपालभाषाया उत्पत्तिनिसें वर्तमान अवस्था तकया जानकारी व नेपालभाषाय् शिक्षा बारे कनादिल ।

वयां लिपा नेपालभाषा व संस्कृति, शिक्षायात च्वन्ह्याकेगु विषयय् न्ह्यसःलिसः व नेपालभाषा संस्कृतियात नेपालं पिने म्वाका तयेत नेवाः अर्गनाइजेशन अफ अमेरिकाया भूमिका बारे नं सहलह जूगु खः ।