सर्वोच्चयात प्रमया लिसः

येँ  प्रधानमन्त्री केपी शर्मा ओलीं थम्हं न्यायापालिकाया सम्मान म्हो जुइ कथं ज्या यायेगु धइगु म्हगसय् तकं खंकेगु दुराग्रहपूर्ण जूगु खँ धयादीगु दु । म्हिगः सर्वोच्च अदालतय् अदालतया अवहेलना सम्बन्धी मुद्दाय् लिखित लिसः बिसें प्रधानमन्त्री ओलीं अदालत प्रति थःगु उच्च सम्मान दुगु खँ धयादीगु दु । वय्कलं लिखित लिसलय् धयादीगु दु, ‘लोकतन्त्र, विधिया शासन व स्वतन्त्र न्यायपालिकाया निंतिं न्यागू दशक न्ह्यवंनिसें संघर्ष यानाम्ह जिं न्यायपालिकाया सम्मान म्हो जुइ कथं ज्या यात धकाः म्हगसय् तकं म्हंकेगु दुराग्रहपूर्ण जुइ ।’

मौलिक हकय् अतिमक्रमण जुइ कथं अभिव्यक्ति बिउगु धकाः रिट निवेदनया दाबी निराधार जूगु खँ नं प्रधानमन्त्रीया लिखित लिसलय् न्ह्यथनातःगु दु । वय्कलंया लिसलय् धयातःगु दु, ‘दंगु लोकप्रियताया निंतिं प्रधानमन्त्रीयात प्रत्यासी कायम यानाः मुद्दा दायर यायेगु गुगु आम प्रचलन खनेदु, उकियात नियन्त्रण यायेमाःगु खनेदु ।’

वय्कलं बियादीगु लिखित लिसलय् थम्हं छगू अर्थय् धयागु खँ वा शब्दयात मेगु अर्थ लगे यानाः अदालतया अवहेलनाया मुद्दा तःगु धासें थ्व आपत्तिजनक जूगु खँ नं धयातःगु दु ।

सम्बन्धित बुखँ

LEAVE YOUR COMMENTS