थौं सिलाचःह्रे, पशुपतिइ लखौं भक्तजन

येँ(नेपालभाषा टाइम्स)- थौं सिलाचः¥हेया लसताय् देय्न्यंकं महाद्यःया देगः दुथाय् तःजिक मेला जुयाच्वंगु दु । थौं विशेष रुपं येँया पशुपतिया महाद्यःयाथाय् तःजिक शिवरात्रि न्यायेकाच्वंगु दु । थौं छन्हुया दुने पशुपतिइ २० लाख भक्तजन वइगु अनुमान यानातःगु दु । थुकिया लागिं पशुपतिइ विशेष समारोह समिति हे गठन यानाः वंगु छुं ई न्ह्यवंनिसें तयारी जुयाच्वंगु खः । थौं पशुपतिइ नेपाःया थीथी जिल्ला लिसें भारतया थीथी थासं तकं लखौं भक्तजन व जोगीत वयेगु याइ ।

नेवाःतय्सं धाःसा थौंया न्हि सिलाचःह्रकथं हनेगु याइ । थ्व लसताय् थीथी द्यःपिनि देगः न्ह्यःने मि च्याकेगु व बहनी हलुवा, पुरी, तरकारी आदि दयेकाः प्रसाद कथं इनेगु याइ । थुकिया लागिं थौं सुथंनिसें त्वाःत्वालय् लँ पनाः जगाः कायेगु याइ ।

थ्वहे झ्वलय् थौं धनगढी उपमनपास्थित बेहडाबाबा देगलय् सिलाचः¥हेया लसताय् हेलिकप्टरं स्वां गायेकेगु व सवा दुई करोड मत च्याकेगु ज्याझ्वः तयातःगु दु । हेलिकप्टरं स्वां गायेकेत हेलिकप्टर खर्च ११ लाख तका व ३ क्विन्टल स्वांया निगू लाख तका यानाः १३ लाख तका खर्च जुइगु अनुमान यानातःगु दु ।