च्वमि मिश्रयात आँबु खैरेनी स्रष्टा सम्मान

येँ – आँबु खैरेनी स्रष्टा समाजया ग्वसालय् स्रष्टा सम्मानलिसें साहित्यिक सांगीतिक ज्याझ्वः जुल । उगु ज्याझ्वलय् थीथी व्यक्तित्वपिंत हनेज्या याःगु खः। समाजया अध्यक्ष अनिल श्रेष्ठया सभापतित्वय् जूगु ज्याझ्वलय् नेपालभाषा ख्यःया च्वमि नापं कलाकार हृदयप्रसाद मिश्रयात नं हनेज्या याःगु खः । मूपाहांकथं झायादीम्ह प्रा. राजेन्द्र सुवेदी सम्मानपत्र लःल्हानाः हनादीगु खः । ज्याझ्वलय् सिस्नुपानी नेपालया सचिव माणिकरत्न शाक्यं सम्मानित व्यक्तित्व मिश्रया म्हसीका बियादीगु खः । ज्याझ्वलय् साहित्यकार बुँद राणा व सम्मानित व्यक्तित्व मिश्रं थःथःगु नुगःखँ तयादीगु ख ।