नेपाःया नीतिइ हिउपाः वइमखु- राजदूत बेरी

येँ – अमेरिकी राजदूत ¥याण्डी बेरीं राष्ट्रपति जो बाइडेनया कार्यकालय् अमेरिकाया आधारभूत नेपाःया नीतिइ हिउपाः मवइगु खँ धयादीगु दु । म्हिगः येँय् सञ्चारकर्मीपिं लिसे खँ ल्हासें बेरीं विश्वव्यापी प्राथमिकताय् हिउपाः वयेफइगु खँ धासें तर समग्र नीतिइ धाःसा हिउपाः मवइगु खँ धयादीगु दु । अमेरिकी राष्ट्रपतिइ जे वाइडेन निर्वाचित जुइधुंकाः राजदूत बेरीं प्रधानमन्त्री केपी शर्मा ओली लिसें थीथी राजनीतिक दलया नेतातलिसे नापलायेगु झ्वलय् वाइडेन प्रशासनया प्राथमिकता बारे जानकारी याकूगु खः । अमेरिकी राष्ट्रपतिया सपथ ग्रहण जुइवं अमेरिका व विश्वं फये मालाच्वंगु समस्यात ज्यंकेगु निंतिं न्हूम्ह राष्ट्रपतिं थीथी योजना सार्वजनिक याःगु जानकारी नं राजदूत बेरीं बियादीगु दु ।

राजदूत बेरीं धयादी, ‘सपथ ग्रहणलिसें वाइडेनं कोभिड–१९ या हाथ्या सामना यायेगु निंतिं तत्काल पलाः ल्ह्वनादीगु दु, कोरोना रोकथामया निंतिं घरेलु जक मखु, अमेरिकां विश्वव्यापी जिम्मेवारीयात पूवंकेगु निंतिं योजना न्ह्यःने हःगु दुु ।’ राजदूत बेरीं कोभिडया आर्थिक व मानवीय लिच्वःयात म्हो यायेगु जिम्मेवार छगू देशं काये मफइगु धासें थ्व विश्वव्यापी समस्या जूगुलिं उकियात सकलें जानाः ज्यंकेमाःगु खँ नं धयादीगु दु ।

उकथं हे राजदूत बेरीं जलवायु परिवर्तन, मानव अधिकार, कोभिड–१९० नियन्त्रण, प्रजातान्त्रिक मूल्य व मान्यताया संरक्षण लिसें प्रबद्र्धन न्हूगु प्रशासनया प्राथमिकता जूगु खँ नं धयादीगु दु ।

राजदूत बेरीं धयादी, ‘वाइडेन प्रशासनं छु विश्वास याइ धाःसा अन्तर्राष्ट्रिय सहकार्यपाखें विश्वया समस्यायात प्रभावकारी कथं ज्यंकेफइ । विश्वया मंकाः समस्यात ज्यंकेगु नितिं गुकथं सहकार्य यायेफइ धइगु विषसं नेपाःया थीथी नेतात लिसे सहलह ब्याकूगु खः ।’

सम्बन्धित बुखँ

LEAVE YOUR COMMENTS