थौं न्हिछिं मांभाय्या महत्व बारे चर्चा

येँ – थौं अन्तराष्ट्रिय मातृभाषा दिवस विश्वया थीथी देशय् नं नेपालय् नं थीथी ज्याझ्वः यासें हनाच्वंगु दु । थौं सरकारी व गैर सरकारी थीथी निकायं थीथी गतिविधि यासें थ्व दिवस हनाच्वंगु खः ।

बहुभाषिक कविता गोष्ठी ः
नेपाल प्रज्ञा प्रतिष्ठानपाखें थौं छगू बहुभाषिक कविता गोष्ठी ज्याझ्वः याइगु ग्वसाः दु । प्रतिष्ठानया सभाकक्षय् जुइगु थ्व ज्याझ्वलय् नेपालभाषा लगायत
नेपालय् ल्हाइगु थीथी भाषां कविता पाठ याइगु ग्वसाः दु ।

असनय् मातृभाषा दिवस ः
थौं येँया असनय् नं भाषा आन्दो–लनकारीतय्पाखें छगू भेला यासें मातृभाषा दिवस न्यायेकीगु ग्वसाः दु । थौं सुथय् १० बजे असनय् मुनाः मातृभाषा बारे चर्चा यायेगु व नेवाः भासं नेपाःया राष्ट्रिय गान हालेगु ज्याझ्वः दयेकातःगु दु ।

जनबहालय् ज्याझ्वः ः
अथे हे न्हिनय् १ बजे थनया जनबहालय् नं स्थानीय जनसमुदायया ग्वसालय् मांभाय् दिवस हनेगु ज्याझ्वः तयातःगु दु । ज्याझ्वलय् मांभाय्या चर्चा यासें नेपालभाषां सांस्कृतिक व साहित्यिक ज्याझ्वःत नं यायेगु ग्वसाः जुयाच्वंगु दु ।

बंगलादेशी दूतावासय् ज्याझ्वः ः
अथे हे नेपाःस्थित बंगलादेशी राजदूतावासं नं थौं अन्तर्राष्ट्रिय मांभाय् दिवस न्यायेकीगु जूगु दु । बंगलादेशय् हे मांभाय्या लागिं मनूतय्सं ज्यान बलिदान बिउगु लुमंतिइ संयुक्त राष्ट्र संघं थ्व दिवस न्यायेकेगु घोषणा याःगु खः । थौं बंगलादेशय् थ्व दिवसयात शहीद दिवसया रुपय् समेत हनेगु याइ ।

जनजातिपाखें ज्याझ्वः ः
आदिवासी जनजाति राष्ट्रिय उत्थान प्रतिष्ठानया ग्वसालय् नं थौं मांभाय् दिवस हनेगु ज्याझ्वः तयातःगु दु । प्रतिष्ठानं नीस्वंगु राष्ट्रिय मातृभाषा पुरस्कार थुगुसी सत्यमोहन जोशीयात लःल्हाइगु नं ग्वसाः दु ।

सम्बन्धित बुखँ

LEAVE YOUR COMMENTS