सुुकुम्बासी वस्ती चीकीगु

येँ (नेपालभाषा टाइम्स)-येँया थीथी खुसि सिथय् गैर कानुनी रुपं दयेकातःगु सुकुम्बासी वस्ती चीकेगु धकाः येँ महानगरपालिकां याःगु निर्णययात अनया सुकुम्बासीतय्सं विरोध याःगु दु । येँ महानगरपालिकां सुकुम्बासी वस्ती खाली यायेत सुचं जारी यायेवं सुकुम्बासीतय्सं विरोध याःगु दु । मनपाया थ्व निर्णय विरुद्ध सुकुम्बासीतय्सं म्हिगः हाकुगु ब्यानर ब्वयाः प्रदर्शन याःगु खः ।

बागमती व बिष्णुमती खुसि सिथय् सुकुम्बासीया नामय् जग्गा कब्जा यानाः च्वनाच्वंपिं फुक्क मनूत थौंकन्हय् धनाढ्य जुइधुंकूगु व उमिके मोटरसाइकल, गाडी, फ्रिज थेंज्याःगु सम्पत्ति दयेधुंकूगु खनेदु ।

थ्वहे झ्वलय् उगु भेगया उम्मेदवार लिसें नेपाली कांग्रेसया नेता प्रकाशमान सिंहं चुनाव न्ह्यः सुकुम्बासी वस्ती मचीकेते इनाप यासें थुकिया स्थायी समाधान माले माःगु खँ धयादीगु दु ।