किपू सम्बन्धी चिहाः संकिपा धेंधेंबल्लाः

किपू (नेपालभाषा टाइम्स) – किपू देय्या म्हसीका पिब्वइ कथं किपू नगरपालिकाया ग्वसालय् जूगु नेपालभाषा चिहाः संकिपा (शर्ट मूभि) धेंधेंबल्लाः कासाय् न्हय्गू (७ गू) चिहाः संकिपा दुहां वःगु दु । म्हिगः उगु फुक्कं संकिपा निर्णय यायेगु लागिं निर्णायक मण्डलं स्वयेगु ज्या जूगु खः । संकिपा किपूया थीथी विषययात कयाः दयेकातःगु खः । दुहां वःगु फुक्कं संकिपा थ्वहे वइगु पोहेलाथ्व ३ (माघ ३ गते) शनिवाः सार्वजनिक प्रदर्शनीइ क्यनीगु खँ ग्वसाः खलकं धाःगु दु ।