गेम अफ थ्रोन्स दयेकूम्हेसिया हत्या

एजेन्सी – डिजिटल गेम ‘गेम अफ थ्रोन्स’ दयेकूम्ह चिनिया अर्बपतिया हत्या जूगु दु । चीनया ‘गेम टाइकुन’ धाइम्ह ३९ दँया लिन चीयात विष नकाः हत्या याःगु खँ संघाइ पुलिसं पुष्टि याःगु दु । ची ‘युजु’ नांया गेम डे भलपर कम्पनीया अध्यक्ष व प्रमुख कार्यकारी जुयाच्वंम्ह खः । वयागु कम्पनीं दयेकूगु गेम अफ थ्रोन्स : विंटर इज कमिङ्ग स्ट्रेटजी गेम संसारन्यंकं लोकं ह्वाः ।

संघाइ प्रहरीया कथं चीयात वया हे छम्ह सतिम्ह ग्वाहालिमिं स्याःगु खः । तर प्रहरीं उम्ह मनूया नां सार्वजनिक याःगु मदुनि । ची डिजिटल गेम पाखें चीं ६.८ अर्ब युआन (थ्यंमथ्यं छगू अर्ब डलर) या सम्पत्ति कमे यायेधुंकूम्ह खः । चीया कम्पनीया आधिकारिक विबो माइक्रोब्लग ची मदयेवं छगू भावनात्मक वक्तव्य तःगु दु । थ्व पोष्टयात २९ करोड स्वयां मल्याक मनूतय्सं स्वयेधुंकूगु दु । चीया कम्पनीं गेम अफ थ्रोन्सयालिसें ब्राल स्टार थेंज्याःगु तःगूहे सुपरहिट गेम दयेकेधुंकूगु दु ।