एग्रीमेन्ट जुइकाः सरकारय्

येँ – संघीय समाजवादी फोरम सरकार व पार्टीया दथुइ संविधान संशोधनया बारे राजनीतिक एग्रिमेन्ट लिपा जक सरकारय् वनीगु खँ सूत्रं धाःगु दु ।प्रधानमन्त्री खड्गप्रसाद ओलीं लिपांगु चरणय् मन्त्रिमण्डल विस्तार याःगु इलय् फोरमयात नं शपथ ग्रहणया निंतिं सःतूगु खःसा फोरमं राजनीतिक सहमति मजुइकं सरकारय् वयेगु जुइ मखु धकाः लिसः बिउगु खँ नं सूत्रं धाःगु दु । लिसलय् एमाले व माओवादी केन्द्रं न्हापा सरकारय् निं वा लिपा सम्झौताय् हस्ताक्षर याःसां जिउ धाःगु खःसां फोरमं उकियात स्वीकार मयाःगु खँ नं सूत्र कंगु दु ।सूत्रया कथं आः फोरम सरकारय् वन धाःसा अध्यक्ष उपेन्द्र यादव सहित सहअध्यक्ष राजेन्द्र श्रेष्ठ निम्हेसितं छ्वयेगु कथं तयारी यानाच्वंगु दु । थ्व स्वयां न्ह्यः छम्ह जक वनेमाः धकाः सः तयाच्वंपिंसं नं आः ऐन कानून दयेकेगु निंतिं सम्बन्धित विषयया ज्ञान दुपिंत छ्वनेमाः धकाः निम्हेसितं सरकारय् छ्वयेत सहमत जूगु खः ।