संसद सःतेत सभामुखयात इनाप

येँ – जसपां संसद अझं विघटन मजूनि धासें बैठक आह्वान यायेत सभामुख अग्निप्रसाद सापकोटायात इनाप याःगु दु। म्हिगः जसपाया नेतात नापलासें सभामुख सापकोटां फुक्कं दललिसे थःगु भूमिका बारे सहलह यायेगु खँ कनादीगु खः । जसपा नेता लक्ष्मणलाल कर्णं कनादीकथं सकस्यांलिसे सहलह लिपा सभामुखं संसद सःतेगु बारे निर्णय यायेगु खँ धयाहःगु दु । म्हिगः जसपा संघीय परिषद्या अध्यक्ष डा. बाबुराम भट्टराई, अध्यक्ष उपेन्द्र यादव, लक्ष्मणलाल कर्णपिंसं सभामुख सापकोटायात नापलाःगु खः ।