मेलम्ची सुरुङय् दुर्घटना : प्राविधिक त्रुटि

येँ (नेपालभाषा टाइम्स) – मेलम्ची खानेपानी आयोजनाया सुरुङय् जूगु दुर्घटना प्राविधिक कारण जूगु अध्ययन समितिं निष्कर्ष पिकाःगु दु । खानेपानी मन्त्रालयया सहसचिव रमाकान्त दवाडीया संयोजकत्वय् दुर्घटना सम्बन्धी अध्ययन यायेत गठन याःगु समितिं दुनें तयेमाःगु लुखा पिनें तःगुलिं दुर्घटना जूगु निष्कर्ष पिकाःगु खः ।

करिब बाःछि न्ह्यः आयोजनाया सुरुबय् लः परीक्षण याःगु इलय् छवाःतक मुनाच्वंगु लः पिहां वःगु खः । सुरुङया लुखाय् जूगु दुर्घटनाय् लानाः निम्ह घाःपाः जूगु खःसा निम्ह वेपत्ता जूगु खः । वेपत्ता जूपिंमध्ये इन्जिनियर सतिश गोइतया सीम्ह घटनाया छुं दिं लिपा लुइकूगु खःसा सवारी चालक राधाकृष्ण थापामगर धाःसा अझ वेपत्ता हे तिनि । सुरुङ परीक्षणया निंतिं लः जायेकेत बाःछि या ई काइगु धाःसां छवाः दुने लः पिहां वयाः दुर्घटना जूगु खः ।

सम्बन्धित बुखँ

LEAVE YOUR COMMENTS