येँ महानगरपालिकां सतकय् ततःप्वाःगु मत तइगु

येँ – येँ महानगरपालिकां महानगर दुने लाःगु मू मू सतकय् ततःप्वाःगु आधुनिक मत च्याकीगु जूगु दु । महानगरं थ्व हे आर्थिक दँया दुने ५० गू मू मू सतकया दुवातय् रंगशालाय् च्याकीगु थेंज्याःगु ततःप्वाःगु मत जडान यायेत्यंगु खः । मत जडान यायेगु निंतिं येँ महानगरपालिका, नेपाल विद्युत प्राधिकरण व सतक विभागया दथुइ वंगु बिहिवाः सहमतिपत्रय् हस्ताक्षर नं जुइधुंकूगु दु ।

थ्व सहमति कथं त्रिभुवन विमानस्थलंनिसें वानेश्वर, माइतीघर, त्रिपुरेश्वर, कालिमाटी, कलंकी लागाय् तयातःगु पुलांगु सौर्य मत लिकयाः बिजुली मतं च्याकीगु निद्वःप्वाः मत जडान याइ । १७ करोड लागतया थ्व योजनाया निंतिं येँ महानगरपालिकां ६० प्रतिशत व विद्युत प्राधिकरणं ४० प्रतिशत खर्च व्यहोरे याइगु खँ धाःगु दु ।