ने. सं. ११४६ बछलागा चौथी -

त्रिवि अन्तर्गतया कलेज चायेकीगु

येँ (नेपालभाषा टाइम्स) – त्रिभुवन विश्वविद्यालय (त्रिवि) अन्तर्गतया फुक्क कलेज, विभाग व स्कुलय् ब्वंकेगु सुरु याइगु जूगु दु। त्रिवि कार्यकारी परिषद्या बैठकं कोरोना महामारीया कारणं बन्द जुयाच्वंगु त्रिवि अन्तर्गतया फुक्क शैक्षिक संस्थान चायेकेगु निर्णय याःगु खँ प्रा. डा. शिवलाल भुसालं कनादीगु दु । डा. भुसालं स्थानीय तहलिसे समन्वय यानाः सतर्कता नालाः सम्भव दतले भौतिक उपस्थितिइ हे कक्षा संचालन यायेगु निर्णय जूगु खँ कनादीगु दु। अथेहे त्रिविं काइगु परीक्षा नं भौतिक रुपं उपस्थित यानाः हे संचालन यायेगु खँ धाःगु दु ।