छगूत्या लाख न्हूपिं संक्रमित थपे जुइफु

येँ (नेपालभाषा टाइम्स) – वइगु प्यलाया दुने नेपालय् थप १ लाख ४८ हजार कोरोना विरामी थपे जुइ फइगु खँ धाःगु दु । स्वास्थ्य तथा जनसंख्या मन्त्री भानुभक्त ढकालं उगु खँ धयादीगु खः ।

म्हिगः याःगु कोभिड-१९ महामारी व जोखिमय् प्रभावकारी सञ्चारया निंतिं सांसदपिनिगु भूमिका विषयय् येँय् जूगु अन्तरक्रिया ज्याझ्वलय्न्व वायेगु झ्वलय् वय्कलं उगु खँ धयादीगु खः । वय्कलं धयादी, ‘वइगु प्यलाया दुने थप मनूत कोरोना भाइरसपाखें संक्रमण जुइफइगु सरकारं अनुमान याःगु दु ।’

वय्कलं बियादीगु जानकारी कथं आः तक नेपालय् १६ लाख ५० हजारया पीसीआर परीक्षण जुइधुंकूगु दु । सरकारी नीति कथं निगू प्रतिशत जनसंख्याया पीसीआर परीक्षण यायेगु योजना दुगु खःसां नं आर्थिक अभावया कारणं परीक्षण यायेगु ज्या धाःसा सरकारं याये फयाच्वंगु मदु ।