मन्त्री श्रेष्ठयात संकटा क्लबया भिंतुना

येँ (नेपालभाषा टाइम्स) – शहरी विकास मन्त्री कृष्णगोपाल श्रेष्ठयात संकटा क्लबपाखें भिंतुना व हना देछाःगु दु । मंगलवाः छगू ज्याझ्वःया दथुइ श्रेष्ठयात हनापौ लःल्हाःगु खः । ज्याझ्वलय् न्ववानादिसें मन्त्री श्रेष्ठं शहरी विकास ज्याय् अझं सुधार यानाः न्हूगु योजनायात न्ह्यःने यंकेगु खँ धयादीगु खः ।

क्लबया कार्यवाहक अध्यक्ष सुरेन्द्र सिख्राकारं लसकुस यानादीगु ज्याझ्वलय् क्लबया अध्यक्ष इन्द्रमान तुलाधरं क्लबपाखें यायेमाःगु ग्वाहालि न्ह्याबलें यायेत तयार दुगु खँ धयादीगु खः । अथेहे येँ महानगरपालिका २२ वडाया अध्यक्ष चिनिकाजी महर्जनं नेवाः समुदायपाखें मन्त्री जुयादीगु खँय् लसता प्वंकादिसें मन्त्री श्रेष्ठया कार्यकाल सुथां लायेमा धकाः भिंतुना देछायादिल ।

ज्याझ्वलय् क्लबया महासचिव रमेशध्वज बस्नेतं क्लबपाखें निःशुल्क मास्क वितरण अभियान न्ह्याकेत्यनागु व स्वास्थ्य सम्बन्धी ग्वाहालिया निंतिं दयेकूगु क्लबया संकटा स्वास्थ्य सेवा कोष बारे जानकारी बियादीगु खः ।

सम्बन्धित बुखँ

LEAVE YOUR COMMENTS