कोभिडं मिडियाय् लाकूगु प्रभावबारे अन्तरक्रिया

येँ (नेपालभाषा टाइम्स) – कोरोना महामारीया कारणं मिडियाय् लाःगु प्रभावयात कयाः लमजुङ छगू अन्तरक्रिया कार्यक्रम जूगु दु । प्रेस काउन्सिल नेपालया ग्वसाः व पत्रकार महासंघ लमजुङ शाखाया संयोजनय् मंगलवाः बेशीशहरय् ‘पत्रकार आचारसंहिता व कोभिडं मिडियाय्ला कूगु प्रभाव’ विषयय् अन्तरक्रिया जूगु खः ।

ज्याझ्वलय् न्ववानादिसें प्रदेश सभा सदस्य व प्रमुख सचेतक मायानाथ अधिकारीं परिवर्तनया नेतृत्व राजनीतिक दलतय्सं याःसां मिडियाया भूमिका न्ह्यथनेबहः जूगु व सकसिगुं कुतलं परिवर्तन सम्भव दुगु, थुकथं हे संवाद व सहलहपाखें हे समस्याया पहिचान जुइ धयादिसें संविधान व संघीय ऐन कानुनकथं बाझे मजुइकथं प्रदेश संचार नीति दयेके माःगु आवश्यक दुगु खँ धयादिल ।

ज्याझ्वःया औचित्य बारे न्ववासें प्रेस काउन्सिल नेपालया वरिष्ठ प्रशासन सहायक महेन्द्रराज सिंहं लकडाउन अवधिइ जूगु महत्वपूर्ण गतिविधिया लिसें काउन्सिलया ज्याया बारे जानकारी बियादीगु खः ।

सम्बन्धित बुखँ

LEAVE YOUR COMMENTS