मोहनि लिपा ज्याकुथिइ वयेत अन्योल

येँ (नेपालभाषा टाइम्स) – मोहनि नखःया विदा क्वचायेवं म्हीगः निसें सरकारी ज्याकू चाःगु दुसां खास हे ज्या धाःसा जुयाच्वंगु मजू । मोहनि न्यायेकेत वनाच्वंपिं कर्मचारी विदा क्वचाःसां नं ज्याकुथिइ मवःगुलिं अप्वः धयाथें स्वनिगःया सरकारी कार्यालय सुनसान खनेदुगु खः । देय्या प्रमुख प्रशासनिक केन्द्र सिंहदरवार दुनेच्वंगु थीथी मन्त्रालय नं म्हिगः सुनसान खनेदुगु खः । मोहनि नखः न्यायेकेत वंपिं कर्मचारी मोहनि नखः क्वचायेवं क्वारेन्टाइनय् च्वनाः जक ज्याकुथिइ वयेगु वा तप्यंक ज्याकुथिइ वयेगु धइगु सरकारया स्पष्ट नीति निर्देशन मदुगुलिं कर्मचारीतय् ज्याकुथिइ वनेत अन्यौल ब्वलंगु खँ धाःगु दु। थुगु दँय् मोहनि नखः न्यायेकेत स्वनिगलं खुगू लाख मनू पिहां वःगु खः ।