कक्षा १२या परीक्षा मंसिर ९ गते निसें

येँ (नेपालभाषा टाइम्स) – राष्ट्रिय परीक्षा बोर्डं वइगु मंसिर ९ गते निसें कक्षा १२ या परीक्षा संचालन याइगु जूगु दु। बोर्डया कथं साधारण, संगीत, ललितकला, संस्कृत विषय व प्राविधिकपाखे नियमित, ग्रेडवृद्धि व आंशिक परीक्षा संचालन जुइ । वंगु वैशाख ८ गते हे परीक्षा यायेगु क्वःछिनातःगु खःसां कोरोना महामारीया कारणं कक्षा १२या परीक्षा लिछ्यायेमाःगु खः । बोर्ड परीक्षा नेपाः सरकारं तोके यानातःगु मापदण्ड कथं स्वास्थ्य सुरक्षा व सामाजिक दुरी पालना यानाः याकेगु खँ धाःगु दु। परीक्षा सुथय् ८ बजे निसें जुइ ।