खुसिबुँइ विस्फोट, बम मूगु आशंका

येँ – नयाँ बजाः खुसिबुँइ छखा छेँय् तःधंगु विष्फोट जूगु दु । विष्फोट जुयाः छेँय्या निगू तल्ला पूवंक ध्वस्त जूगु दुसा झिम्ह स्वयां अप्वः मनूत घाःपाः जूगु खँ स्थानीय वासिन्दा उत्तमकुमार श्रेष्ठं ‘नेपालभाषा टाइम्स’ कनादीगु दु ।

घाःपाः जूपिंत स्थानीय वासिन्दां उद्वार यानाः थीथी अस्पतालय् यंकूगु दु । अन ग्यास सिलिन्डर विष्फोट जूगु धकाः धाःसां नं आपालं क्षति जूगुलिं बम मूगु आशंका याःगु दु । प्रहरीं आः उगु क्षेत्रय् सिल यानाः थप छानविन यानाच्वंगु दु । उगु लागाय् सञ्चारकर्मी लिसें स्थानीय बासिन्दातय्त दुतमछ्वःसे छानविन यानाच्वंगु दु ।

विस्फोट लिपा लिक्क च्वंगु छेँया न्हाय्कं नं तज्याःगु खः । विस्फोट जूबलय् भुखाय् ब्वःबलय् थें मिरिक्क मिंक छेँ संकूगु स्थानीयतय्सं धाःगु दु ।

घटनायात कयाः स्थानीय प्रहरीयात सम्पर्क तयेगु कुतः जूसां सम्पर्क धाःसा जुइ फयाच्वंगु मदुनि ।

सम्बन्धित बुखँ

LEAVE YOUR COMMENTS