ने. सं. ११४६ अनलागा त्रयोदशी -

जाम मदयेकेत बँपसः चीकीगु

येँ – स्वनिगःया यातायात व्यवस्थापन सुधार यायेत थीथी निकायलिसे सहकार्य यासें ट्राफिक प्रहरीं सतकय् तया तःगु बँपसःत चीकीगु जूगु दु । महानगरीय ट्राफिक प्रहरी महाशाखां लागू याःगु ‘ट्राफिक व्यवस्थापन तथा प्रदूषण नियन्त्रण सुधार कार्ययोजना–२०७५’ लागू यायेत बँपसःत चीकेत्यंगु खः ।

महाशाखां स्वनिगःया पुलांगु बानेश्वरनिसें सिनामंगल, पिंगलास्थाननिसें गौशाला, कोटेश्वर जःखः, न्हू बानेश्वरं पुलांगु बानेश्वर, त्रिपुरेश्वरंनिसें कलंकी, चाबही निसें जोरपाटी व थापाथलींनिसें लगंख्यः तकया बँपसः व पार्किङ चीकेत्यंगु खः ।

महाशाखाया प्रमुख प्रहरी वरिष्ठ उपरीक्षक बसन्तकुमार पन्तं स्वनिगःया ट्राफिक व्यवस्थापन चुस्त दुरुस्त दयेकेगु निंतिं थःपिंसं तयारी यानाच्वनागु जानकारी नं बियादीगु दु ।