स्वनिगलय् १४०३ म्ह थप

येँ (नेपालभाषा टाइम्स) – स्वनिगलय् बुधवाः न्हिछिया दुने १४०३ म्ह कोरोना संक्रमित थप जूगु दु। बुधवाः देय्न्यंकं २ हजार ६३८ म्हेसिके संक्रमण पुष्टि जूगु खःसा थुकि मध्ये बछिं मल्याक स्वनिगःयापिं लाःगु दु। स्वास्थ्य तथा जनसंख्या मन्त्रालयं बुधवाः १३९४७ गू नमूना परीक्षण याःगुलिइ थ्यंमथ्यं २०प्रतिशतयाके संक्रमण खनेदुगु खः । स्वनिगलय् बुधवाः खनेदुपिं संक्रमितत मध्ये ९९६ म्ह येँय्, १०२ म्ह ख्वपय् व ३०५ म्ह यलय् च्वंपिं जूगु खँ धाःगु दु ।

थुकिया लिसें नेपालय् कोरोना संक्रमण पुष्टि जूपिनि ल्याः छगू लाख १७ हजार ९९६ म्ह थ्यंगु दु। मेखे बुधवाः न्हिछिया दुने कोरोनाया कारणं झिंनिम्हेसिया ज्यान वंगु दु। थुकिया लिसें नेपालय् कोरोना संक्रमणया कारणं सीपिनि ल्याः ६७५ म्ह थ्यंगु दु ।