
येँ – प्रदेश नम्बर ३ या नां ‘नेवाः–ताम्सालिङ’ तयेगु लागिं दबाब बीत थौं शुक्रवाः प्रदेश राजधानी हेटौंडाय् छगू ¥याली पिकायेत्यंगु दु । नेपाल आदिवासी जनजाति महासंघया ग्वसालय् थ्व ¥याली पिकायेत्यंगु खः । थौं सुथय् ११ बजे प्रदेश नम्बर ३ या राजधानी हेटौंडाया फरेष्ट्री क्याम्पसया गेटं थ्व ¥याली शुरु याइगु ग्वसाः दु ।
अनं न्ह्याःगु ¥याली हेटौंडा बजारया बुद्ध चोकय् थ्यंकाः छगू दबाब सभा जुइ । ¥याली व सभाय् ब्वति कयाः थुकियात सफल यायेगु लागिं ३ नम्बर प्रदेशय् सक्रिय जुयाच्वंगु थीथी जनजाति संघ संस्था लिसें नेवाः व तामाङ जातिया सम्पूर्ण संस्थातय्त ग्वाहालिया लागिं नं महासंघं इनाप याःगु दु ।
LEAVE YOUR COMMENTS