न्हिछिया दुने थप ४०४७ म्ह संक्रमित

येँ (नेपालभाषा टाइम्स) – सोमवाः न्हिछिया दुने नेपालय् थप ४ हजार ४७ म्हेसित कोरोना भाइरस संक्रमण जूगु पुष्टि जूगु दु। थुपिं मध्ये २ हजार २८३ म्ह स्वनिगःयापिं खः । थुकिया लिसें नेपालय् कोरोना संक्रमितत जूपिनि ल्याः छगू लाख ११ हजारं मल्याक थ्यंगु दु। म्हिगः न्हिछिया दुने थप गुम्हेसिया कोरोनाया कारणं ज्यान वंगु दु। सोमवाः सनिलय् तकया दुने नेपालय् कोरोनां सीपिनि ल्याः नं ६४५ म्ह थ्यंगु खँ स्वास्थ्य तथा जनसंख्या मन्त्रालयं धाःगु दु। मन्त्रालयया कथं आः देय्न्यंकं ३३ हजार ८८० म्ह सक्रिय संक्रमितत दनि ।

थुपिं मध्ये बछिं मल्याक २१ हजार ७३९ म्ह स्वनिगःयापिं हे लानाच्वंगु दनि । मन्त्रालयया कथं सोमवाः संक्रमित जूपिं स्वनिगःयापिं मध्ये येँयापिं १ हजार८८८ म्ह, ख्वपयापिं ११८ म्ह व यलयापिं २७७ म्ह लाःगु दु। अथेहे सोमवाः सीपिं सुनसरी, येँय, यल, चितवन, व रुपन्देही जिल्लायापिं लाःगु दु ।