ने. सं. ११४६ सिल्लाथ्व षष्ठी -

शुभकामना सहकारीया स्थापना दिवसय् हिदान ज्याझ्वः

ख्वप – शुभकामना वचत तथा ऋण सहकारी संस्था लिमिटेडया १८ क्वःगु स्थापना दिवसया लसताय् लाकाः हिदान सम्बन्धी अभिमुखीकरण नापं हिदान ज्याझ्वः जुल । संस्थाया १८ क्वःगु वार्षिकोत्सवया लसताय् छवाःयंकं थीथी ज्याझ्वःयासें हनेगु झ्वलय् स्वक्वःखुसी हिदान सम्बन्धी अभिमुखीकरण व हिदान ज्याझ्वः जूगु खः ।

संस्थाया अध्यक्ष न्हुछेकुमार त्वाय्नाया सभापतित्वय् जूगु ज्याझ्वलय् ब्लड डोनर्स एशोसियसन (ब्लोदान)या महासचिव ई. सानुबाबु प्रजापतिं हिया महत्व व हिदान यायेमाः धइगु भावनां हिदातायाके वइगु सामाजिक हिपाः व हिदानया ऐतिहासिक पक्षया बारे जानकारी बियादीगु खः । संस्थाया संचालक प्रविण बाटी व गायत्रीमैंया कोजुं नं थःगु नुगःखँ तयादीगु ज्याझ्वलय् २७ म्हेसिनं हिदान यानादीगु खः ।