‘नयेमखंपिनि ख्वबिं छन्हु सत्तायात पुइ तिनि’

येँ (नेपालभाषा टाइम्स) – पुलांम्ह प्रधानमन्त्री लिसें जनता समाजवादी पार्टीया नेता डा. बाबुराम भट्टराईं नुगः क्वसाःपिंसं इना बिउगु जा ख्वबिलिसे वालाः नयेमाःपिनिगु ख्वबिं सत्ताय् च्वंपिं व उमिगु जःखः च्वनीपिंत छन्हु पुइ तिनिगु खँ धयादीगु दु ।

म्हिगः छगू ट्वीट यासें वय्कलं सत्तासिन जूपिं सिंहदरवार व बालुवाटारय् कमिसनया भागबण्डा व थःगु जःखः च्वनीपिंत कुर्सीइ तयेगु ज्याय् व्यस्त जुयाच्वंगु धासें मनकारीतय्सं इनाबिउगु जा नयेत बाध्य याःपिनिगु ख्वबिं पोले जुइगु खँ धयादीगु खः । ट्वीटय् वय्कलं च्वयादी, ‘द्वलंद्वः श्रमिकपिं कोरोना महामारीं बेरोजगार जुयाः सतकय् च्वनेमाःगु अवस्था दु! इनाबिउगु ज्या ख्वबिइ वालाः नयाच्वंगु दु !’