राधाकृष्णया मां व स्वीटहर्टया बौ मंत

येँ (नेपालभाषा टाइम्स) – नेपालभाषा आन्दोलनया सक्रिय अभियन्तालिसें समाजवादी पार्टीया कार्यकर्ता राधाकृष्ण महर्जन व येँ मनपा २२ वडाया पुलांम्ह वडा अध्यक्ष हरिकृष्ण महर्जनया मां मय्जु महर्जन मंत । मदुम्ह महर्जन ८६ दँ दुम्ह खः । वय्कःया स्वम्ह काय व निम्ह म्ह्याय् दी ।

अथे हे नेपाल लिपि गुथिया कार्यालय सचिव पुष्परत्न ताम्राकार ‘स्वीटहर्ट’या बौ दिव्यरत्न ताम्राकार म्हीग मंत । वय्कः ९३ दँ दुम्ह खः । मदुम्ह ताम्राकारया म्ह्याय् प्यम्ह व काय निम्ह दी ।