साउदीपाखें स्वंगू देय्यात भ्रमणय् प्रतिबन्ध

रियाद – साउदी अरबं भारत लगायत छुं देय्यात थःगु देय्या भ्रमण यायेगुलिइ प्रतिबन्ध तःगु दु। साउदी अरबं थःगु देय् चाःहिलेत वइपिं भारत, अर्जेन्टिना व ब्राजिलया नागरिकयात प्रतिबन्ध तःगु खः ।

साउदी अरबं विश्वय् न्यना वनाच्वंगु कोरोना संक्रमणया कारण क्यँसे स्वंगू देय्या नागरिकयात थःगु देय् भ्रमण यायेगुलिइ प्रतिबन्ध तःगु खः । साउदी अरबं वंगु बुधवाः जक थुकथं थःगु देशय् यात्रा भ्रमण यायेगुलिइ प्रतिबन्ध तयागु घोषणा याःगु खः । साउदी अरबं थुपिं स्वंगू देय्या नागरिकयात थःगु देय्या भ्रमण यायेगुलिइ प्रतिबन्ध तःगु जक मखसे थःगु देय्या नागरिकयात नं थुपिं स्वंगू देशय्या भ्रमणय् वने मदइकथं हवाई उडान सेवा नं बन्द याना बिउगु दु ।

साउदीं सर्वसाधारणयात यात्राय् प्रतिबन्ध तःसां सरकारी ज्या व थुकिया निंतिं आमन्त्रण याइपिनिगु निंतिं धाःसा खुल्ला याःगु दु। लिपांगु इलय् कोरोना संक्रमितया ल्याः अप्वया वनेवं साउदी अरबं थुकथंया प्रतिबन्धया घोषणा याःगु खः। साउदी अरबय् जक स्वंगू लाखं मल्याक संक्रमित दु ।

सम्बन्धित बुखँ

LEAVE YOUR COMMENTS