प्यम्हं मस्त बुइकलया प्रोत्साहन भत्ता

भारतया उत्तरपूर्वी राज्य मिजोरमया छगू चर्चं प्यम्ह वा व स्वयां अप्वः मस्त बुइकूपिं मिजो जनजातिया तिपूयात प्रोत्साहन कथं ध्यबा बीगु घोषणा याःगु दु ।
मिजो जातिया जन्मदर मदिक्क म्हो जुया वनाच्वंगुलिं चर्चं थ्व घोषणा याःगु खः । मिजोरमय् मिजो जनजातिया जनसंख्या म्हो जुया वनाच्वंगुलिं मिजो संगठन व चर्चत चिन्तित जुयाच्वंगु दु ।
थ्वयां न्ह्यव नं उगु राज्यया निगू तःधंगु चर्च प्रेस्बिटेरियन व द बापटिस्ट चर्च अफ मिजोरमं अप्वः सन्तान दयेकेत निरन्तर आह्वान याना वयाच्वंगु खः ।
मिजोरमया लुंगलेइ शहरय् च्वंगु बापटिस्ट चर्चया शाखां उगु क्षेत्रया मिजो दम्पतीयात प्यम्ह व व स्वयां अप्वः मचा दयेकल धाःसा प्रोत्साहन कथं ध्यबा बीगु घोषणा याःगु खः ।

– एजेन्सी