पदक लाःसां काये मछाः!

येँ (नेपालभाषा टाइम्स) – बांलाक ज्या याःपिं मनूतय्त राष्ट्रपतिपाखें नकतिनि वितरण याःगु थीथी पदक नेपाल विद्युत प्राधिकरणपाखें अवकाश कयाः पिहां वंम्ह कुलमान घिसिङयात मबिउगु खँय् आलोचना जूगु दु। घिसिङ नापं हे अवकाश कयाः पिहां वःम्ह अख्तियार दुरुपयोग अनुसन्धान आयोगया आयुक्त नविन घिमिरेयात धाःसा थ्व पदकं सम्मानित याःगु दु ।

लुमंकेबहः जू, अख्तियारय् च्वनाजःछि गबलें नं बांलाःगु ज्या मयाःगु व द्वःछि दां घुस काल धकाः क्वय्या दर्जाय् च्वंपिं कर्मचारीयात धाःसा ज्वनाः कारवाही याःम्ह धकाः आलोचित जूम्ह खः । घिसिङ थेंज्याःपिं बांलाःगु ज्या मयाःपिं मनूतय्त पदक मबिउगुलिं थःपिंत समेत पदक काः वनेत मछाः थें जुयाच्वंगु खँ बुद्धिनारायण श्रेष्ठ थेंज्याःपिं धयाहःगु दु ।