फिफापाखें न्हूगु बरियता सार्वजनिक

एजेन्सी – विश्व फुटबलया सर्वोच्च निकाय (फिफा)पाखें न्हूगु बरियता सार्वजनिक याःगु दु। फिफां झण्डै खुला लिपा मिजं फुटबलया विश्व बरियता सार्वजनिक याःगु खः ।

फिफां सार्वजनिक याःगु लिपांगु बरियता धलखय् बेल्जियम शीर्षस्थानय् दु। बल्जियमया थ्व शीर्ष प्यंगूगु थाय्या अपरिवर्तनीय थाय् खः । बेल्जियमलिसें शीर्ष प्यंगूगु थासय् फ्रान्स, ब्राजिल व इंग्ल्याण्ड दुसा थुपिं नं अपरिवर्तित रुपय् शीर्ष स्थानय् च्वनाच्वंगु दु। थुकथं हे पोर्चुगल न्यागूगु थासय् दुसा एसियाली राष्ट्रय् शीर्ष स्थानय् लानाच्वंगु जापान विश्व वरियताय् २८ औं थासय् दु ।

थ्व हे झ्वलय् कोभिड-१९या महामारीया कारणं खुला स्वयां अप्वः ठप्प जुयाच्वंगु विश्व फुटबलत नं लिहां वइगु क्रमय् दु । थ्व ल्याखं वइगु सेप्टेम्बर महिना युरोपय् कासात संचालन जुइगु तयारीइ दु । युईएफए नेशनल लिग कासा अवरुद्ध जुइवं विश्व फुटबलया वरियता क्रम क्वःछीगु ज्यातकं प्रभावित जूवंगु खः ।