भिंद्यः जात्राया लसताय् बजाः सानिटाइज

येँ (नेपालभाषा टाइम्स) – सिक्किमय् ११८ दँ न्ह्यः पलिस्था याःम्ह भिंद्यः पुजाया लसताय् बजार सानिटाइज यायेगु ज्या जुल । पूर्वी सिक्किमया रगंली बजारय् ११८ दँ न्ह्यः भिंद्यः पलिस्था याःगु खःसा थगुनेनिसें भिंद्यःया मूर्ति तयाः जात्रा यायेगु चलन नं शुरु याःगु खः ।

थुगुसी नं तःजिक भिंद्यः जात्रा यायेगु तयारी दुगु खःसां कोरोना महामारीया कारणं जात्रा याये मजियाः न्हूगु ज्या यानागु खँ ग्वसाः खलःया भाजु रुद्रनरसिंह शाक्यं कनादिल । जात्रा याये मजिउगुलिं रगंली बजार लिसें अन दुगु सरकारी ज्याकू व थीथी मनूतय् छेँय् वासः छ्वाकाः सेनिटाइज यायेगु ज्या याःगु खः । उगु इलय् अन दुगु थीथी द्यःया देगलय् समेत वासः छ्वाकेगु ज्या जूगु खः ।

थनिं १२० दँ रुद्रनरसिंह शाक्यया हे तापाःबाज्यापिं भिमनरसिंह शाक्य व सिद्धिनरसिंह शाक्यपिंसं अन गणेद्यः पलिस्था यानादीगु खःसा वयां निदँ लिपा मेम्ह तापाःबाज्या अमृतनरसिंह शाक्यं वहे थासय् भिंद्यः व नासः नं पलिस्था याःगु खः ।

सम्बन्धित बुखँ

LEAVE YOUR COMMENTS