ने. सं. ११४६ बछलागा पञ्चमी -

बुंगद्यःया रथ सालाच्वंगु इलय् झडप, प्रहरीं लःया फोहोरा व अश्रुग्यास प्रहार

यल- स्वस्फूर्त रुपं स्थानीयतय्सं यलया पुच्वय् बुंगद्यःया रथ सालाच्वंगु इलय् ल्वापु जूगु दु । प्रहरी व स्थानीयतय् दथुइ ल्वापुया अवस्था लिपा आः पुच्वः तनावया अवस्थाय् दु । स्थानीयतय्त प्रहरीं रथ सालेत पनेवं अन झडपया अवस्था ब्वलंगु खः । उगु इलय् प्रहरीं लःया फोहोरां छ्वाकूगु खःसा स्थानीयतय्सं उकीया विरोध याःगु खः । वयां लिपा प्रहरीं छुं राउण्ड अश्रुग्यास तकं प्रहार याःगु खः । झडपय् लानाः स्थानीयत घाःपा तकं जूगु दु ।