ने. सं. ११४६ बछलागा नवमी -

त्रिविया दक्वं नियमित सेवा बन्द

येँ (नेपालभाषा टाइम्स)- त्रिभुवन विश्वविद्यालय (त्रिविं) क्याम्पसया नियमित सेवा दक्वं बन्द याःगु दु। त्रिविं छेँय् च्वनाः दक्वं ज्या यायेकथं क्याम्पसया नियमित दक्वं सेवा बन्द याःगु खः । त्रिविया सूचना व जनसम्पर्क महाशाखा प्रमुख सूर्यप्रसाद अधिकारीं लिपांगु इलय् अप्वया वनाच्वंगु कोभिड–१९या संक्रमण यात ध्यानय् तयाः क्याम्पसया नियमित ज्या दक्वं छेँय् च्वनाः हे यायेत निर्देशन बियागु जानकारी बियादिल ।

सरकारं वंगु चैत ११ गतेनिसें देय्न्यंकं लकडाउन लागू यायेवं त्रिविं नियमित रुपं संचालन जुयाचवंगु पठनपाठन व परीक्षा स्थगितयाःगु खः । लिपांगु इलय् स्वनिगःलिसें देय्न्यंकं संक्रमितत न्हियान्हिथं अप्वया वनेवं त्रिविं केन्द्रीय ज्याकूलिसें देय्न्यंकंया दक्वं क्याम्पसया नियमित सेवा भदौ १ निसें १५ गते तक बन्द यायेत निर्देशन बिउगु खः ।