विष्णु पौडेल आइसोलेसनय्

येँ (नेपालभाषा टाइम्स) – नेकपाया महासचिव विष्णु पौडेल नं थःगु हे छेँय् आइसोलेसनय् च्वनादीगु दु। थः अंगरक्षकयाके कोरोना संक्रमण खनेदयेवं पौडेल आइतवाःनिसें आइसोलेसनय् च्वनादीगु खः । नेकपाया अध्यक्ष पुष्पकमल दाहाल लिपा आइसालेसनय् च्वनादीम्ह वय्कः नेकपाया मेम्ह वरिष्ठ नेता खः ।

शुक्रवाः बिउगु स्वाब रिपोर्टय् पौडेलया अंगरक्षकयाके कोरोना दुगु पुष्टि जूगु खः, पौडेलया रिपोर्ट धाःसा नेगेटिभ वःगु खः । थःगु रिपोर्ट नेगेटिभ वःसां अंगरक्षकयाके कोरोना खनेदुगुलिं वय्कः आइसोलेसनय् वंगु खः । वय्कलं छुं न्हि न्ह्यव दाहालयात नं नापलानादीगु खः । दाहालया नं अंगरक्षकतय्के कोरोना खनेदुगु खः ।