स्वनिगलय् जक १०६ म्ह संक्रमित

येँ – वंगु २४ घण्टाया दुने स्वनिगलय् जक १ सय ६ म्हेसित कोरोना भाइरस संक्रमणया पुष्टि जूगु दु । स्वास्थ्य तथा जनसंख्या मन्त्रालयया कथं मध्ये येँय् ९२ म्ह, यलय् १० म्ह व ख्वपय् ४ म्हेसित संक्रमण जूगु खः । स्वनिगलय् सच्छि नं मल्याक संक्रमितत खनेदुगु थ्वहे न्हापांगु खुसी खः । थ्वस्वयां न्ह्यः बिहीवाः स्वनिगलय् ८६ म्हेसित संक्रमणया पुष्टि जूगु खः । शुक्रवाः जक देय्न्यंक ४ सय ६४ म्हेसित संक्रमणया पुष्टि जूगु खँ स्वास्थ्य मन्त्रालयं धाःगु दु ।