किपुली बाघ भैरव जात्रा नं स्थगित

किपू (नेपालभाषा टाइम्स) – कोरोना संक्रमणया कारणं किपुली दँय्दसं भाद्र १ गते न्यायेका वयाच्वंगु बाघभैरवया जात्रा नं थुगुसी मन्यायेकीगु जूगु दु। कोरोना संक्रमण धमाधम अप्वया वनाच्वंगु कारणं थुगुसी बाघ भैरवया जात्रा नं मन्यायेकेगु निर्णय सम्बन्धित जात्रा गुथिं याःगु खः । जात्रा स्थगित जूसां जात्रा सम्बन्धी औपचारिक पुजाआजाया ज्या धाःसा सीमित मनूत जक च्वनाः यायेगु खँ धाःगु दु ।

बाघ भैरव जात्रा गुथिपाखें छगू विज्ञप्ति पिकासें जात्रा स्थगित जूगु कारणं वहे दिनय् सम्बन्धित मनूतय्सं बाघ भैरवया तिसा लःल्हाना कयाः हानं बाघ भैरवयात तुं देछाइगु चलन दुगु खःसा थुगुसी व ज्या नं स्थगित यायेगु निर्णय जूगु खँ धाःगु दु ।

जात्राया इलय् बाघ भैरव देगलय् यक्व भिड जुइगु जूगुलिं थुगुसी जात्राया निन्हु न्ह्यवंनिसें हे (श्रावण ३१ गते) बाघ भैरव देगः बन्द जुइगु जानकारी नं गुथिं बिउगु दु ।

सम्बन्धित बुखँ

LEAVE YOUR COMMENTS