ने. सं. ११४६ बछलाथ्व पञ्चमी - दयावीरसिं बुदिं

येँय् न्हय्म्हेसित संक्रमण

येँ (नेपालभाषा टाइम्स) – बुधवाः न्हिछिया दुने स्वनिगलय् थप न्हय्म्हेसिके कोरोना संक्रमण जूगु पुष्टि जूगु दु। म्हिगः न्हिछिया दुने देन्यंकं मुक्कं ११६ म्हेसित कोरोना संक्रमण जूगु पुष्टि जूगु खःसा थुकी न्हय्म्ह येँयापिं लाःगु खः । नेपालय् आः कोरोना संक्रमण जूपिनि ल्याः १७ हजार १७७ म्ह थ्यंगु दुसा कोरोना संक्रमणं सीपिनि ल्याः ३९ म्ह थ्यंगु दु ।

म्हिगः कोरोना संक्रमणं रौतहटय् ३६ दँया छम्ह मिजंया ज्यान वंगु खः । छुं न्हि न्ह्यव थः दाजु भारतय् सीगुलिं दाजुया अन्तिम संस्कार यायेत भारत वंम्ह उम्ह मिजं असार २४ गते नेपाः वयाः रौतहतया क्वारेन्टाइनय् च्वनाच्वंगु खँ स्वास्थ्य मन्त्रालयया प्रवक्ता डा. जागेश्वर गौतमं कनादीगु दु। असार २९ गते ज्वर व सेखं खनेदयेवं नारायणी अस्पतालया आइसोलेसनय् तयेयंकूगु खःसा अन हे वयागु मृत्यु जूगु खः ।