मेलम्चीया सुरुङय् दुर्घटना

येँ (नेपालभाषा टाइम्स) – मेलम्ची खानेपानी आयोजनाया सुरुङ परीक्षण स्थगित जूगु दु। मंगलवाः आयोजनाया अम्बाथानस्थित ‘फ्लसिङ’ (माल धाःसा लः वांछ्वयेत दयेकातःगु गेट) आकाझाकां चाला वनाः दुर्घटना जूगुलिं आयोजनया परीक्षण कथं लः छ्वयेगु ज्या बन्द जूगु दु ।

म्हिगः न्हिनय् सुरुङया फ्लसिङ गेटय् लः ज्वयाच्वंगु दर निरीक्षण याः वंपिं प्यम्हेसित गेट तज्यानाः वःगु लखं चुइकूगु खः । उपिं मध्ये निम्हेसिया उद्वार जूगु दुसा निम्ह बेपत्ता जुयाच्वंगु दु। आयोजनाया छम्ह इन्जिनियर सतिस गोइत व चालक राधाकृष्ण थापा बेपत्ता जूगु खः । घाःपाः जूपिं इन्जिनियरतय्त हेलिकप्टरं उद्वार यानाः येँय् हःगु दु ।