दमाइचाटय् लः ट्यांकीया शिलान्यास

येँ– येँ महानगरपालिका १९ वडाया दमाइचाघाटय् ९० हजार लिटर ल ः न्ह्यनीगु ट्यांकी दयेकेगु निंतिं शनिवाः शिलान्यास याःगु खः । येँ क्षेत्र नं. ८ या संघीय सांसद जीवनराम श्रेष्ठ प्रदेश सांसद् राजेश शाक्य व येँ महानगरपालिका– १९ का वडाअध्यक्ष शशिलाल श्रेष्ठं मंकाः शिलान्यास यानादीगु खः ।

थ्व ट्यांकीइ ९० हजार लिटर लः न्ह्यनीसा बोरिङं प्रति सकेन्ड १५ लिटर व दुई घण्टा दुने ९० हजार लिटर लः वइ ।

प्रदेश पूर्वाधार विकास साझेदारी कार्यक्रम अन्तर्गत थ्व ट्ंयाकी व लः फिल्टर प्लान्ट दयेकेत्यनागु खँ वाग्मती प्रदेशया सांसद् राजेश शाक्यं कनादीगु दु । थ्व ट्यांकीया नितिं ३९ लाख ७८ हजार ५ सय ४३ तका खर्च जुइगु अनुमान यानातःगु दु । कूल लागत मध्ये प्रदेशं ३५ लाख ८० हजार ६ सय ८९ तका व्यहोरे याइसा ल्यं दुगु ३ लाख ९७ हजार ८ सय ५४ तका जनसहभागिता पाखें मुकी ।

फिल्टर प्लान्ट दयेकेत प्रदेशं वइगु आर्थिक दँय् बजेट विनियोजित याःगु खँ सांसद् शाक्यं कनादीगु दु । वय्कलं वइगु अर्थिक दँ दुने हे फिल्टर प्लान्ट नं दयेके क्वचाइगु खँ कनादीगु दु ।

नेपालभाषा टाइम्स

च्वमिया मेमेगु

• नेवाः प्रतिष्ठान गठन यायेत माग
• केएनकेया ग्राजुएन ज्याझ्वः
• सक्व सांस्कृतिक संरक्षित क्षेत्र प्रस्तावित ऐन लःल्हात
• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल