पत्रकार दबूया ध्यानाकर्षण

येँ- नेवाः पत्रकार राष्ट्रिय दबुलिं समाचार संकलनया निंतिं वंपिं पत्रकारतय्त जू्रगु दुव्र्यवहारयात कयाः थःपिनिगु ध्यानाकर्षण जूगु खँ धाःगु दु । नुवाकोट जिल्ला तारकेश्वर गाउँपालिकाया वंगु असार १० गते बुधवाःकुन्हु जूगु गाउँसभाया समाचार संकलन यानाच्वंपिं पत्रकारतय्त जूगु दुव्र्यवहारयात कयाः दबुलिं थःपिनिगु ध्यानकर्षण जूगु खँ धाःगु खः ।

दबूया मूछ्यांजे सुनील महर्जनं जारी यानादीगु पे्रस विज्ञप्तीइ गाउँसभाय् गाउँपालिका अध्यक्षं नीति तथा कार्यक्रम न्ह्यब्वइगु ज्याझ्वःया समाचार संकलन यानाच्वंपिं दबूया दुजः त्रिशुली खबर वाःपौया सम्पादक नवदीप श्रेष्ठ व मिक्स एफएमया प्रमुख विष्णुप्रसाद अधिकारीयात दुव्र्यवहार यानाः आक्रमणया कुतः जूगु व टिभी त्रिशुलीया समाचार प्रमुख सुजित भण्डारीयात जूगु आक्रमणया कुतः, सवारी साधन व क्यामरा लाका कयाः तछ्याना बिउगु घटना तसकं निन्दनीय जूगु खँ धयातःगु दु ।

गाउँपालिका वडा नं. १या अध्यक्ष दयानिधि अधिकारी २ वडाअध्यक्ष सूर्यमान श्रेष्ठ व ६ वडाअध्यक्ष ज्ञानेन्द्र तामाङया संलग्नताय् उग घटना जूगु विज्ञप्तीइ धयातःगु दु ।

पे्रस स्वतन्त्रताया संरक्षणया निंतिं व्यापक अभ्यास यायेमाःगु इलय् जनप्रतिनिपाखें हे थुकथंया व्यवहार,आक्रमणया कुतः जुइगु घटनायात कयाः थःपिनिगु ध्यानाकर्षण जूगु धासें घटनाय् संलग्न दोषीयात तत्काल कारवाही व पीडितयात क्षतिपूर्ति बीत नं माग याःगु दु ।