कोरोनाया कारणं थप निम्ह सित

येँ – कोरोना संक्रमणया कारणं थप निम्ह मनूत सीगु दु । स्वास्थ्य तथा जनसंख्या मन्त्रालयं याःगु प्रेस ब्रिफिङय् मन्त्रालयया प्रवक्ता डा. जागेश्वर गौतमं पर्साया २५दँया मिसं व निजगढ बाराया ५दँया मिजं मचा सीगु जानकारी बियादिल । थ्व नापं नेपालय् कोरोना संक्रमणया कारणं १८म्ह सीगु दु ।

पर्साय् जेठ २८ गते लूगु सीम्ह मनूनाप कोरोना दुगु पुष्टि जूगु खः । नारायणी अस्पतालय् स्वाब संकलनय् स्वाब संकलन यानाः परीक्षण याःगु इलय् कोरोना खनेदुगु खः । अथेहे बारा निजगढय् ५दँया मिजं मचाया वीरगञ्जयया हेल्थ केयर अस्पतालय् वासः याकेगु झ्वलय् सीगु खः ।