ने. सं. ११४६ अनलाथ्व नवमी -

पाल्पाया मिसन अस्पतालय् सीम्ह मनूयात नं कोरोना

येँ – पाल्पाया मिसन अस्पतालय् जेठ २० गते सीम्ह मनूतयात कोरोना भाइरसया संक्रमण जूगु पुष्टि जूगु दु । पाल्पाया पूर्वखोखा-२ जल्पा क्वारेन्टाइनय् च्वनाच्वंगु इलय् स्वास्थ्यय् समस्या वयेवं उम्ह मनूयात जेठ १९ गते अस्पताल भर्ना याःगु खः । अस्पतालय् मदयेधुंकाः स्वाब संकलन यानाः परीक्षण याःगु इलय् कोरोनाया संक्रमण खनेदुगु खः ।

पाल्पाया पूर्वखोला गाँउपालिका-१ सिलुवाया ४५दँया मिजं भारतं लिहांवयेधुंका अनया स्थानीय क्वारेन्टाइनय् च्वनाच्वंगु खः । थ्व नापं नेपालय् कोरोना भाइरसया कारणं सीपिं १०म्ह थ्यंगु दु ।