साँचलय् ११० म्हपाखें हिदान

येँ – सानेपाया साँचल त्वालय् शनिवाः आकस्मिक हिदान ज्याझ्वः जुल । हेलाे ब्रडरया ग्वसालय् जूगु ज्याझ्वलय् ११० म्हेसिन हिदान याःगु खः ।रेडियन स्कुलय् जूगु हिदानय् सहभागीपिंत यल महानगरपालिका वडा नम्बर २या अध्यक्ष राजेश कुमार महर्जनं मतिनाया चिं लःल्हानादीगु खः ।ज्याझ्वलय् पुर्व साांसद मदन बहादुर अमात्य, कलाकार सुरेन्द्र केसि, येँ महानगरपालिका वडा नम्बर २४या दुजः नापं ब्लोदानया केन्द्रिय दुजः बिनोद तुलाधर, ब्लोदान येँ जिल्लाया सचिव अनिलरत्न तुलाधर, ब्लोदान मध्य क्षेत्रया पदाधिकारी, स्थानीय जनसमुदाय, मिसा पुचःया दुजःपिं लगायतया ब्वति दुगु खः । ज्याझ्वः शान्ति महर्जन सुवेदीया संयाेजनय् जूगु खः ।