
येँ – नेपालय् थौं छन्हुया दुने हे थप १ सय १४म्हेसित कोरोना भाइरसया संक्रमण जूगु दु । नेपालय् कोरोना संक्रमण शुरु जुइवं छन्हुया दुने थुलिमछि संक्रमण जूगु थ्व न्हापांगु घटना खः । नेपाःया ४७गू जिल्लाय् थ्यनेधुंकूगु थ्व संक्रमण पाखें आः तक ८ सय ८६म्ह संक्रमित जूगु जानकारी स्वास्थ्य तथा जनसंख्या मन्त्रालयं बिउगु दु ।
थौं सप्तरीइ ११म्ह, झापाय् १७म्ह, मकवानपुरय् १म्ह, रौतहटय् ३६म्ह, बाग्लुङय् ६म्ह, रुकुम पूर्वय् ३म्ह, दाङय् १५म्ह, बाँकेय् १६म्ह, सिरहाया २म्हेहित संक्रमण जूगु दु ।
आः तक प्रदेश नं १य् १ सय ३म्ह, प्रदेश नं २य् ३ सय २४, बागमतिइ ३९म्ह व गण्डकी प्रदेशय् १३म्ह संक्रमण जूगु दु । अथेहे प्रदेश ५य् ३ सय ६४, कर्णाली प्रदेशय् २५म्ह व सूदुरपश्चिम प्रदेशय् १७म्हेसित संक्रमण जूगु दु ।
LEAVE YOUR COMMENTS