मन्त्रालयं संक्रमिततय् ल्याः भिंकल, मुक्कं २४५म्ह जक
येँ – स्वास्थ्य व जनसंख्या मन्त्रालयं थौं सुथाय् कोरोना संक्रमिततय् बारे छ्वःगु विवरण द्वंगु धासें भिंकूगु दु । थौं सुथय् विज्ञप्ति मार्फत धनुषा, महोत्तरी व सर्लाहीलय् थप ५म्हेसित संक्रमण जुल धकाः बिउगु जानकारी गलत जूगुु दु । मन्त्रालयं मंगलवाः हे धुनषाय् २म्ह, महोत्तरीइ २म्ह व सर्लाहीलय् १म्हेसित संक्रमण जूगु जानकारी यायेधुंकूगु खः । वहे विवरणय् संक्रमिततय् जिल्ला जक उल्लेख यानाः हानं छ्वःगु खः । उकीं मुक्कं संक्रमिततय् ल्याः २५०म्ह जुल धकाः न्हापा पिथंगु विज्ञप्ति गलत जूगु स्वीकार यासें आः तक नेपालय् मुक्कं २४५म्ह जक संक्रमित दुगु खँ मन्त्रालयं न्ह्यथंगु दु ।
LEAVE YOUR COMMENTS