ख्वपय् संक्रमण जुम्ह भीम रावलया सुरक्षागार्ड

येँ – मंगलवाः बहनी ख्वपय् कोरोना संक्रमण जुम्ह मिजं नेकपाया नेता नापं पुलाम्ह गृहमन्त्री भीम रावलया सुरक्षागार्ड जूगु खँ सीदुगु दु ।

सशस्त्र प्रहरीया २७दँया सुरक्षाकर्मीयात राष्ट्रिय जनस्वास्थ्य प्रयोगशालाय् परीक्षण याःगु इलय् संक्रमणया पुष्टि जूगु खः । लच्छिया निंतिं बिदाय् च्वनाच्वम्ह उम्ह सुरक्षाकर्मी हानं सुरक्षाय् खटेजुइत वःगु खः । तर सुशस्त्र प्रहरीया अस्पतालं ड्युटीइ खटेजुइ न्ह्यः कोरोनाया संक्रमण परीक्षण यायेत छ्वःगु खः । परीक्षणया झ्वलय् पोजेटिभ खनेदुसां कोरोनाया लक्षण धाःसा छुं हे खनेमदुगु खँ धाःगु दु । रामेछाप स्थायी छेँ जुम्ह संक्रमित सशस्त्र प्रहरीया जवान ख्वपया दुवाकोटय् च्वनाच्वम्ह खः ।